Kombëtarja shqiptare, do të luajë një ndeshje shumë të rëndësishme ditën e sotme, siç është ajo ndaj Çekisë, e vlefshme për kualifikueset e Europianit.
Në lidhje me këtë, në edicionin e lajmeve në MCN TV, foli gazetari i sportit, Ervin Baku.
Sipas tij, euforia është vetëm jashtë, pasi lojtarët janë me këmbë në tokë dhe të përqendruar te ndeshja.
Ne jemi ballkanas dhe nga natyra jemi euforikë. Mendoj se do jetë një përballje e vështirë. Euforinë e kemi ne jashtë, lojtarët janë më këmbë në tokë dhe të përqendruar dhe sot do të japin më të mirën, me qëllimin që Shqipëria nëse nuk fiton, të paktën të mos humbasë.
Baku deklaroi se ndeshja me Çekinë i ka të tre rezultatet brenda, ndërsa shtoi se nuk është deçizive.
Fati zakonisht ndihmon më të mirët. Shqipëria nuk është ajo skuadra e vogël. Edhe në Çeki, ne i dhamë leksion futbolli çekëve, pasi kur shënuam, kishim mundësinë të fitonim. Është një ndeshje që i ka të tre rezultatet brenda. Nuk është ndeshje deçizive, pasi ajo do të luhet në nëntor në Moldavi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
