Në oret e fundit drejtuesit e Chelseat kanë hedhur një hap të suksesshëm.
‘’ Blutë e Londrës ‘’ kanë firmosur me Geovany Quenda, një ndër më premtuesit e kontinentit të vjetër.
17 vjeçari në sezonin e parë me Sporting Lisbonën ka treguar një nivel mbresëlënës, i cili e meriton kalimin tek një ekip elite.
Todd Boehly do të derdhë në arkat e kryeqytetasve rreth 50 milionë euro, një shifër e konsiderueshme, njëkohësisht e justifikuar nga ekstremi.
Geovany Quenda spikat për triblimet, shpejtësinë, element të cilët e ndihmojnë për të vënë në siklet çdo rival.
Në marrëveshje thuhet se ylli i portugezëve do të qëndrojë edhe një sezon në ‘’ Jose Alvalade ‘’ në cilësinë e të huazuarit dhe pastaj do të nisë një eksperiencë në ‘’ Stamford Bridge ‘’, tek një ndër ekipet më cilësorë në Premier League dhe Europë.
Sigurisht, lojtarit nga Guinea-Bisau i mbetet shumë punë për të bërë pasi rivaliteti tek Chelsea është tejet i ashpër dhe për të qenë pjesë e formacionit duhet të japësh gjithmonë maksimumin.
Momentalisht Geovany Quenda numëron 43 sfida, 2 gola dhe 8 asiste me kampionët në fuqi të Portugalisë, një ndër tre ekipet më të rëndësishëm të kësaj lige.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
