Tashmë është zyrtare, Carlo Ancelotti është trajneri më i ri i Real Madrid. Klubi spanjoll nëpërmjet faqes zyrtare, ka njoftuar arritjen e marrëveshjes me teknikun italian. Ancelotti rikthehet kështu në stolin e madrilenëve, aty ku drejtoi nga viti 2013 deri në vitin 2015.
Presidenti Perez, pas largimit të Zinedine Zidane, vendosi t’i besojë drejtimin e skuadrës një figure të njohur siç është italiani, i cili e njeh mirë ambientin dhe kampionatin.
Tekniku 61-vjeçar ka nënshkruar një kontartë deri në vitin 2024, teksa ditën e sotme ka arritur marrëveshjen me Evertonin për mbylljen e bashkëpunimit mes tyre.
Ancerlotti, njihet si një trajner fitues, i cili në vitin 2014, hapi një cikël fituesish te Reali, duke marrë trofeun e Champions League. Në karrierën e tij, italiani ka drejtuar skuadra të mëdha, si Milan, Bayern Munich, Chelsea, Paris Saint-German, Juventus, Napoli dhe së fundmi Everton.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
