Dëmtimi i Paul Pogbas po i kushton shtrenjtë Juventusit pasi francezi konsiderohet një domosdoshmëri për të ardhmen e mesfushës.
‘’ Zonja e Vjetër ‘’ përpara kësaj situate të ndërlikuar , ka reaguar menjëherë sepse është koshiente se mungesa e kampionit të botës me ‘’ Trikolorët “ mund të ndikojë në objektivat e bardhezinjve gjatë sezonit vijues.
Kësaj historie i shtohet edhe largimi i mundshëm i Arthur Melos i cili vijon të negociojë me Valencian dhe për ta zëvëndësuar italianët kanë menduar për Paredes.
Paris St Germain pretendon 30 milionë euro për argjentinasin por torinezët po vlerësojnë edhe alternativa të tjera dhe sipas ‘ Tuttosport ‘’ nje nder to eshte rikthimi i Miralem Pjanic.
Por boshnjaku nuk është i vetmi sepse Massimilliano Allegri konsideron se edhe repartit të avancuar i nevojitet një lojtar cilësor.
Duke marrë parasysh se blerja e kartonit të Alvaro Moratas momentalisht konsiderohet e papërballueshme, rekordmenët e Scudettos kanë menduar për Memphis Depay-n .
Synimi i Juventusit është huazimi i hollandezit por Barcelona ka nevojë për shitjen e lojtarëve për të përmirësuar aspektin ekonomik, fakt që e ndërlikon largimin e ishi-t të Psv Eindhovenit nga mitiku ‘’ Camp Nou ‘’ .
Gjithsesi italianët domosdoshmërisht duhet ti lëvizin me shpejtësi gurët për të formuar një ekip kompetitiv me qëllimin e rikthimit tek titujt dhe çdo ditë që kalon është shumë e rëndësishme në funksion të së ardhmes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
