Ecuria jo e mirë e Chelseat në javët e para të Premier Leagues është shoqëruar me një analizë të detajuar nga drejtuesit , të cilët tashmë kanë nxjerrë disa konkluzione. Fokusi i ‘’ Bluve të Londrës ‘’ është tek merkatoja e dimrit, e cila konsiderohet shumë e rëndësishme për ti hedhur pas krahëve disfatat e të kaluarës. Për këtë arsye , traineri Mauricio Pochettino ka kërkuar transferimin e një qendërsulmuesi në ‘’ Stamford Bridge ‘’ për faktin se nxënësit e tij kanë lënë për të dëshiruar në metrat e fundit. Pronari Todd Boehly ka investuar fuqishëm për kryeqytetasit duke shpenzuar 1 miliard euro në dy merkatot e fundit por rezultatet ende janë larg pritshmërive. Në gjashtë sfidat e para në kampionat londinezët kanë grumbulluar vetëm pesë pikë , statistikë tejet e dobët për një ekip i cili aspiron fitimin e titujve në vijimësi. Kjo situatë konsiderohet ndër më të vështirat e Chelseat ndër vite , ekip që momentalisht është afër zonës që të dërgon në Championship.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
