Situata delikate e Juventusit në Serinë A dhe Champions League e ka vënë seriozisht në dyshim vijimësinë e Massimiliano Allegrit në ‘’ Allianz Stadium ‘’.
Çuditërisht italianët kanë pësuar një rënie të theksuar duke iu referuar të dyja kompeticioneve të sipërpërmendura, dhe nëse i referohemi kampionatit , ‘’ Zonja e Vjetër ‘’ ka grumbulluar 10 pikë nga 21 të mundshmet.
Megjithatë presidenti Andrea Agnelli e ka mbështetur 55 vjeçarin i cili në të kaluarën i dha tituj shumë të rëndësishëm bardhezinjve .
Gjithsesi situata tek rekordmenët e Serisë A vijon kaotike dhe kanë filluar të qarkullojnë disa emra për drejtimin tyre.
Antonio Conte preferohet shumë nga Juventusi, drejtuesit e të cilit besojnë se me aftësitë e tij do ti liderojë drejt arritjes së objektivave dhe favori i tyre është se traineri nga Lecce ende nuk e ka arritur akordin për rinovimin e kontratës me Tottenham Hotspurin .
Nga ana tjetër , ‘’ Gjelat e Londrës ‘’ ndihen me fat sepse Antonio Conte arriti ti kualifikojë për në Champions League dhe falë këtij suksesi siguruan për më gjatë qëndrimin e bomberit Harry Kane në ‘’ White Hart Lane ‘’.
Nëse rikthehemi në retrospektivë , ky trainer i drejtoi juventinët nga 2011-2014 duke fituar tre kampionate dhe sigurisht që drejtuesit ndjejnë një lloj entuziazmi kur bëhet fjalë për ish mesfushorin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
