E ardhmja e sulmuesit të Salzburgut Karim Adeyemi vijon të fitojë pikë . 19 vjeçari është shëndërruar në një ndër objektivat e Bayern Munchen , skuadër që synon rikthimin tek suksesi në Champions League pasi në Bundesligë dominon në mënyrë absolute prej shumë vitesh .
Për këtë arsye bavarezët nuk kanë humbur asnjë moment dhe sipas gazetarit Ekrem Onur kanë filluar bisedimet me drejtuesit e austriakëve për ti ofruar një të ardhme ndryshe Karim Adeyemit të cilët për këtë operacion kanë kërkuar 30 milionë euro .
Potenciali i talentit gjerman është rritur në çdo ndeshje dhe statistikat e tregojnë një gjë të tillë . 11 gola dhe 2 asiste në 16 ndeshje janë mëse të mjaftueshme për tu vënë në radarët e gjigandëve të Gjermanisë dhe një transferim i mundshëm në të magjishmin ‘’ Allianz Arena “ mund ti shërbejë për të pasuruar karrierën .
Interesi i Bayern Munchen është vetëm piknisja e një rruge që parashikohet jo e lehtë për shkak të konkurrencës të Real Madridit , Barcelonës dhe Liverpoolit.
Ky lojtar mund të konsiderohet shumë fatlum sepse ka arritur të zhvillohet shumë shpejt dhe patjetër që interesi i skuadrave në fjalë e lartëson figurën e Karim Adeyemit .
Duhet parë se si do të vijojë evolucioni i talentit të Salzburgut në ndeshjet pasardhëse sepse të tjera skuadra mund të futen në valle por duhet marrë parasysh edhe përgjigjja e drejtuesve austriakë për perlën gjermane .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
