Ish-Sekretari i Përgjithshëm i FSHF-së, Eduard Prodani, ka thënë se Franca, Gjermania dhe Belgjika ishin skuadra të lexueshme dhe nuk ishin të përgatitura për Europianin. Në emisionin “Euro Zone” në MCN TV, Prodani tha se skuadrat e vogla, ishin më të përgatitura. Gjithashtu ai shtoi se Italia është surpriza e madhe, për mënyrën sesi luan.
“Futbollin më të bukur besoj se e ka bërë Italia. Ajo që kam perceptuar deri tani është që skuadrat e mëdha, Franca, Gjermania dhe Belgjika, erdhën jo shumë të përgatitura, ishin të lexueshme. Skuadrat e nivelit të dytë erdhën shumë të përgatitura, edhe Italisë për pak i bënë gjëmën. Italia ka ardhur me elementë të rinj. Nuk ka humbur vlerat tradicionale. Kemi një Angli që është konsoliduar. Për shkak të pauzës nga pandemia, nuk e dinim si do vinin skuadrat. Ukraina nga eliminatore shumë të mirë, por e pamë çfarë ndodhi sot. Italia kryesurprizë, Anglia është e konsoliduar. Italia është surpriza e madhe për shkak të lojës që ka treguar, jo për shkak të asaj ku ka arritur, pasi këtë e arrinte edhe me lojtarët mediokër”, u shpreh Prodani.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
