Largimet pothuajse të konfirmuara të Sergio Ramos dhe Raphael Varane e kanë lënë të çalë Real Madridin në aspektin defensiv . Momentalisht Carlo Ancelotti mbështetet vetëm te Eder Militao , Nacho Fernandez, David Alaba dhe Jesus Vallejo të cilët edhe pse janë lojtarë me kualitet traineri italian akoma nuk është i kënaqur dhe i ka prezantuar një tjetër alternativë drejtuesve . Flitet për mbrojtësin e Leicester City Wesley Fofana që vijon të konsiderohet si një prej më të mirëve në planet duke iu referuar të ardhmes dhe faktikisht Carlo Ancelotti ka rezultuar gjithmonë prezent në evolucionin e 20 vjeçarit kartoni i të cilit momentalisht vlerësohet në 40 milionë euro .
Kjo shifër konsiderohet jo shumë e lartë për arkat e Real Madridit pavarësisht se të gjitha klubet janë të dëmtuara për shkak të koronavirusit por dëshira për të triumfuar në Europë e shton këmbnguljen e ‘’ Los Blancos ‘’ për të afruar lojtarë cilësorë në ‘’ Santiago Bernabeu ‘’ .
Nëse mund të bëjmë një analizë të shpejtë të këtij komponenti , karakteristikat e tij janë shumë të përafërta me ato të Raphael Varanes e ardhmja e të cilit mbetet skeptike.
Wesley Fofana ka zhvilluar një sezon për tu mbajtur mend me ‘’ The Foxes ‘’ të cilin e ka kanalizuar në 38 ndeshje të luajtura dhe tashmë do të ketë shansin për të zgjedhur se në cilën skuadër do ta vazhdojë progresin .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
