Zërat për një largim të mundshëm të Cristiano Ronaldos nga Juventusi vijojnë të jenë prezente me kalimin e ditëve . Momentalisht ‘’ Zonja e Vjetër ‘’ po përjeton një problematikë madhore që lidhet me pikpyetjet e pjesëmarrjes në Uefa Champions League . Pozicioni aktual i bardhezinvje në Serinë A i shton hijet e dyshimit sepse ndiqet nga Milani dhe Napoli të cilët kanë të njëjtën sasi pikësh dhe një hap fals në ndeshjet e mbetura do të perceptohej një vetvrasje për nxënësit e Andrea Pirlos. Kjo çështje në njëfarë mënyre lidhet me qëndrimin e luzitanit në ‘’ Allianz Stadium ‘’ dhe në rast se synimi i tij nuk arrihet , kampionët e Scudettos për 9 vite rradhazi duhet t’ia lënë të hapur rrugën 36 vjeçarit për të vijuar karrierën .
Në një moshë madhore motorrët e Cristiano Ronaldos mbeten akoma të pandalshëm sepse është një lojtar i rrallë në botën e futbollit ku përveç përkushtimit total me këtë profesion uria e tij për sukses nuk njeh limite . Sipas raportimeve të ‘’ Daily Mail ‘’ në horizont kanë dalë emrat e Manchester United dhe Paris St Germain që janë koshientë se çdo të thotë transferimi i 5 herë fituesit të Topit të Artë . Cristiano Ronaldo shquhet si një lojtar me mentalitet të fortë që nuk heq kurrë dorë nga ëndërra e të qënit në majën e futbollit në çdo sezon dhe rritja progresive e pretendentëve të tij i krijon shpresën për të qenë më afër objektivave të vëna . Sipas parashikimeve të bëra rroga e majme e ‘’ Cr7 “ prej 31 milionë eurosh në sezon e komplikon ndjeshëm gjëndjen ekonomike të Juventusit duke marrë parasysh faktin e mbetjes jashtë Uefa Champions League .
Ky aspekt me siguri do t’ia përshpejtojë hapat Manchester United që kërkon ta rikthejë në ‘’ Old Trafford ‘’ për të fituar impulset e munguara në drejtim të suksesit dhe Parisit që mendon se transferimi i sulmuesit në ‘’ Parque De Prince ‘’ do të ishte një ogur pozitiv për ti vënë një herë e mirë kapakun fitimit të Champions Leagues pavarësisht se është drejt arritjes së këtij objektivi edhe në sezonin aktual .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
