Pikpyetjet e vazhdueshme në lidhje me Antoine Griezmann ia kanë përforcuar idetë trainerit Ronald Koman për ti treguar daljen nga ‘’ Camp Nou ‘’ . Francezi nuk ka bindur dhe në orët e fundit drejtuesit katalanas kanë ndërmarrë një nismë të rëndësishme . Prej kohësh sulmuesi Paulo Dybala pëlqehet nga spanjollët dhe sipas L’Equipe i kanë propozuar Juventusit shkëmbimin ndërmjet tyre . Negociatat e ‘’ Los Cules ‘’ me ‘’ Zonjën e Vjetër ‘’ vijojnë me të njëjtin ritëm sepse është provuar edhe shkëmbimi i Pjanic për të cilin Massimiliano Allegri ruan një respekt të veçantë dhe bardhezinjtë ofruan Aaron Ramsey-n për të rikthyer boshnjakun në ‘’ Allianz Stadium ‘’.
Por tashmë flitet për lojtarë të një tjetër kalibri pavarësisht se do të rezultojë e vështirë që Juventusi të japë “ Ok “ për largimin e pikave referuese të organikës . Duhet patur parasysh se kontrata e sulmuesit nga Laguna Larga përfundon në 2022- shin dhe ky i fundit kërkon 10 milionë euro në sezon, aspekt që mbetet në mospërputhje me kërkesat e Barcelonës . Një tjetër faktor që e ndërlikon më tepër operacionin është se ish-i i Palermos luan në të njëjtin pozicion me Lionel Messin me të cilin marrëdhëniet kanë pësuar disa luhatje në kohët e fundit .
Kjo barrierë e krijuar penalizon automatikisht Barcelonën e cila vijon të mos e ngrejë kokën .
Ish kampioni i botës me Francën e ka finalizuar sezonin me 20 gola në 51 ndeshje por drejtuesit nga Katalunja janë të vendosur për ta larguar sepse klasifikohet si lojtari i dytë më i paguar , shifër që kërkojnë ta evitojnë për arritjen e rinovimit me legjendën e klubit dhe njëkohësisht 6 herë fituesin e Topit të Artë Lionel Messi .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
