Eksperienca tek Al – Rayyan parashikohet se është drejt fundit për James Rodriguez i cili e ka kthyer kokën mbrapa dhe gjatë një deklarate në rrjetin social ‘ Twich ‘ është shprehur i gatshëm të zbarkojë përsëri në kontinentin e vjetër sepse e ka rikuperuar besimin dhe mendon se mund të lërë gjurmë si në të kaluaren.
Kolumbiani ka kaluar momente shumë të bukura me ekipe të niveleve si Porto , Real Madrid, Bayern Munchen , Monaco dhe Everton dhe mendon të lërë Azinë për t’iu rikthyer futbollit më kompetitiv në botë .
30 vjeçari është i ndërgjegjshëm se e ka pjekurinë e duhur për të qenë protagonist përsëri dhe në lidhje me këtë ide është shprehur :
“ Besoj se ka ardhur momenti për të filluar një eksperiencë ndryshe . Po e mendoj rikthimin në Europë por s’mund të anashkaloj as Amerikën pasi është një kampionat që ka shënuar rritje në vitet e fundit “ , theksoi mesfushori i ‘’ Los Cafeteros “ .
Pavarësisht se e kaluara nuk i krijon shumë entuziazëm sepse nuk shkëlqeu në ‘’ Santiago Bernabeu ‘’, as e tashmja nuk po e kënaq sa duhet , në një kampionat shumë më inferior.
Ky fakt mund t’ia ndërlikojë situatën e të ardhmes sepse ekipet e mundshëm do ta analizojnë me detaje transferimin e James Rodriguez pasi mund të përsërisë të njëjtën histori dhe të rezultojë një dështim total .
Ndërsa Major League Soccer konsiderohet më i pranueshëm për ishi-n e Banfield sepse kërkesa e llogarisë nuk është si në kontinentin e vjetër por duhet theksuar se është një kampionat që ka shënuar rritje në vitet e fundit dhe është pasuruar me shumë yje të futbollit të cilët shkruajtën historinë në të kaluarën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
