Dëmtimi i Luiz Diazit dhe ulje-ngritjet e Darwin Nunezit , lojtar që nuk e ka bindur Jurgen Kloppin i kanë bërë drejtuesit e Liverpoolit të përfshihen në merkato për ti hedhur prapa krahëve problematikat e të kaluarës.
Traineri gjerman ka kërkuar tre transferime në ‘’ Anfield Road ‘’ duke e vënë theksin tek lojtarët e rinj , të cilët mund të përfaqësojnë ‘’ The Redsat ‘’ në të ardhmen.
Cody Gapko vijon të preferohet shumë për metrat e fundit, sulmues që la gjurmë në Botërorin e Katarit por s’mundi të avancojë me Hollandën, e cila u mposht në çerekfinale nga Argjentina e Lionel Messit.
Manchester United dhe Chelsea në Premier League dhe Real Madridi në La Liga do të jenë kundërshtarët e Liverpoolit për 23 vjeçarin , e ardhmja e të cilit parashikohet larg Psv Eindhovenit.
Youssoufa Moukoko është një tjetër talent që ka spikatur tek Borussia Dortmundi dhe sipas ekspertëve e ka potencialin për tu bërë pjesë e një ekipi të famshëm.
Gjithsesi, Liverpooli s’do ta ketë të lehtë sepse edhe në Spanje do të zhvillohet ‘’ Superclasico ‘’ ndërmjet Real Madridit dhe Barcelonës për golashënuesin e lindur në Yaunde.
Lista mbyllet me Joao Felix, i cili e ka humbur besimin e Cholo Simeones dhe tashmë i janë hapur dyert e ‘’ Wanda Metropolitanos ‘’.
Sipas ‘ Liverpool Echo ‘, portugezi preferohet nga ishi i Borussia Dortmundit, duke patur parasysh se dëmtimi i kolumbianit është një çështje serioze , e cila duhet domosdoshmërisht të marrë zgjidhje gjatë merkatos dimërore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
