Maxwell Cornet bëri një lëvizje të rëndësishme në merkaton e kësaj vere, teksa u largua nga francezët e Lyon, për të kaluar në Premier League te Burnley. Sulmuesi anësor i kushtoi 15 milionë euro arkave të klubit anglez.
Tifozët e Burnley presin me padurim ta shikojnë në fushën e lojës, për të parë nëse klubi i tyre ka bërë zgjedhjen e duhur për repartin e avancuar.
Megjithatë, Cornet vëmendjen e të gjithëve e ka tërhequr ende pa zbritur në fushën e lojës. Lojtari ka bërë një gafë gjatë prezantimit të tij, e cila nuk ka kaluar pa u vënë re.
Teksa po bënte foton zyrtare, me skuadrën e re, lojtari ngatërron logon e klubit me logon e sponsorit teknik. Me gishtin treguar të dorës së majtë, Cornet tregon logon e sponsorit teknik, e cila ndodhej në të djathtë të tij, me idenë se po bënte me shenjë logon e klubit.
Menjëherë kjo është shpërndarë me shpejtësi në rrjetet sociale, nga tifozët që kishin ndjekur prezantimin e tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
