Menaxheri i futbollit, Andi Matraxhiu, në emisionin “SportZone” në MCN TV, deklaroi se në Kategorinë e Parë, bëhen masakra të mëdha, të cilat sipas tij vijnë për shkak se ndeshjet nuk transmetohen në TV.
Matraxhiu deklaroi se arbitrat i frikësohen vetëm kamerave aty, ndërsa shtoi se duhet të transmetohet edhe Kategoria e Parë, jo vetëm Superiorja.
Ne duam të joshim me anë të trampolinës, por pa transmetim mediatik, është e vështirë. Këtu censurohet. Ka shumë tifozë anë mbanë botës që duan të shikojnë ekipet e tyre dhe nuk e kanë të mundur. Nuk duhet të transmetohet vetëm Superiorja, duhet të transmetohet edhe Kategoria e Parë. Puna e trajningut është shumë e vështirë në Kategorinë e Parë. Arbitrat aty duken si gladiatorët, flamuri i duket si shpatë, ndërsa bilbili, iu duket si shigjetë. Aty ka nga masakrat më të mëdha. Fillon përgatitja e terrenit që në fillim, duke filluar nga vijëzimet. Kjo nuk ndodh kur ka kamera, sepse i frikësohen.
Hiq një Skënderbe që ka bërë histori në Europë nga skuadrat e tjera shqiptare, të tjerat kanë bërë thjesht shëtitje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
