Në mbledhjen e sotme të asamblesë së FSHF-së, presidenti Duka atakoi ndryshimet e fundit në ligjin për sportin, që kanë kaluar në komision parlamentar një ditë më parë. Në studion e MCN Informacion, Artan Shyti, ish-zv.ministër Sporti, tha se ndryshimet në ligj janë klienteliste. Ai theksoi se është e domosdoshme që shqyrtimi i tyre të shtyhet për në shtator, kur mblidhet Parlamenti i ri.
Nuk është as koha dhe as mënyra si këto ndryshime janë bërë. Përmbajtja e tyre është skandaloze. Kemi të bëjmë me një realitet, ku ligjet ndryshohen dhe ato që janë nuk zbatohen. Ligji i sportit nuk zbatohet. Zoti Duka ka të drejtë.
Nuk foli vetëm zoti Duka, foli asambleja e Federatës së Futbollit. Është në nderin e Parlamentit që ta lërë këtë diskutim për në legjislaturën e re.
Ndryshimet janë çuar nga Komiteti Olimpik. Janë ndryshime që duan ta bëjnë edhe ministri, edhe federatë, janë ndryshime klienteliste.
Mostrajtimi i ligjit të sponsorizimit. Kërkesa e federatave që të merret në konsideratë ka shqetësim për atë që kërkon sporti. Më shumë ndjekin nga mbrapa interesa grupimesh që nuk kanë të bëjnë me sportin. Mbyllja e veshëve ndaj këtyre kërkesave është e domosdoshme të korrigjohet në legjislaturën e ardhshme.
Problemi i arbitrazhit ka ngelur zvarrë. Është përgjegjësi e KOKSH që ka një status ligjor të pamiratuar. Gjykata e Lozanës e ka dhënë vendimin. Në mënyrë absurde vendimi i saj nuk zbatohet në Shqipëri.
Pjesa e Ministrisë së Sportit është jashtë funksionit prej vitesh. Është kthyer në një bisht të Komitetit Olimpik.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
