Pas dështimit me Georginio Wijnaldum i cili mori rrugën drejt Parisit , Barcelona ka kthyer menjëherë faqe duke parë përpara . Katalanasit edhe pse po vuajnë në aspektin ekonomik dëshira e madhe për revolucion ia shton intensitetin e kërkimit të lojtarëve cilësorë . Me ndërgjegjjen absolute se duhen elementë me peshë për të përballuar një sezon që me siguri do të jetë shumë kompetitiv , ‘’ Los Cules ‘’ kanë deklaruar nisjen e ofensivës për Ilkay Gundogan dhe Riyad Mahrez .
Sipas ‘’ Chiringuito de Jugones ‘’ drejtuesit e Barcelonës ditën e djeshme kanë zhvilluar një mbledhje me agjentët e tyre për të parë se deri ku mund të shkojnë në lidhje me këto operacione . Avantazhi i spanjollëve është se gjermani dhe algjeriani nuk bëjnë pjesë në planet e Pep Guardiolas për sezonin vijues dhe Barcelona do të sforcohet për ti transferuar në ‘’ Camp Nou ‘’ sepse janë lojtarë që mund ti shërbejnë revolucionit të menduar . Këto objetiva vazhdojnë të shqyrtohen me detaje në kampin e katalanasve sepse akoma nuk kanë zgjidhur të ardhmen e Ousmane Dembeles dhe Trincaos dhe për lojtarët e sipërpërmendur është llogaritur përfshirja e elementëve të anashkaluar nga traineri Ronald Koeman për të ulur disi koston e operacionit .
Lojtarët në fjalë mund të shëndërrohen në referentë kryesorë për këtë skuadër e cila vijon luftën në aspektin e fuqizimit të mëtejshëm me objektivin e ringritjes së menjëhersheme dhe kthesës së shumë ëndërruar në Katalunjë .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
