Lukaku, dëshiron qëndrimin tek Roma

  Huazimi i Romelu Lukakut tek Roma po nxjerr përsëri në pah cilësitë e padiskutueshme të tij.

Sulmuesi është shëndërruar në një referent në metrat e fundit dhe traineri Jose Mourinho ndihet shumë krenar për ecurinë e tij.

Në orët e fundit belgu është shprehur mbi të ardhmen, i cili ka deklaruar se dëshiron të qëndrojë në ‘’ Olimpico ‘’ pasi ndihet shumë komod nën drejtimin e të famshmit ‘’ The Special One ‘’.

Tashmë kanë filluar negociatat ndërmjet drejtuesve të ‘’ Verdhekuqve ‘’ dhe ‘’ Bluve të Londrës ‘’ në lidhje me blerjen e kartonit të ‘’ Buallit ‘’, një rrezik për çdo rival.

Aspekti fizik dhe nuhatja për golin e kanë ndihmuar gjithmonë ishi-n e West Bromwich Albion për ti arritur objektivat, cilësi që po i tregon edhe në rradhët e Romës.

Ndërkohë, një avantazh për ish fituesit e Conference Leagues është se 30 vjeçari nuk përfshihet në planet e Mauricio Pochettinos për të ardhmen dhe me deklaratën e tij traineri luzitan mund të qëndrojë i qetë.

17 gola dhe 4 asiste në 34 sfidat e sezonit aktual reflektojnë potencialin e shtatlartit belg, shumë i rëndësishëm për Romën në çdo sfidë.