Van De Beek i vetëofrohet Barcelonës

Mesfushori Donny Van De Beek po bën të  pamundurën për tu larguar një herë e mirë nga ‘’ Old Trafford ‘’ . Hollandezi është i pakënaqur me vendimet e trainerit Ole Gunnar Solskajer i cili nuk i ka  mundësuar shumë minuta aktivizimi duke e bërë largimin nga ‘’ Pallati i Endërrave ‘’ edhe më të afërt .  Hollandezi mbërriti tek 20 herë kampionët e Premier Leagues me shpresat se do të lartësonte figurën por më kot sepse gjithçka i ka shkuar shumë keq duke i lënë një njollë të zezë në karrierë .  24 vjeçarit nuk i ka ngelur gjë tjetër veçse të kërkojë një destinacion cilësor për të rikuperuar  terrenin e humbur.

 Duke e parë veten në këto kushte   ishi-t të Ajax Amsterdamit i është krijuar ideja e startimit të një eksperience me Barcelonën  sepse e shikon si destinacionin ideal për vazhdimin e karrierës  .  Megjithatë pavarësisht dëshirës së madhe për të progresuar idetë e Ronald Koeman nuk përputhen me ato të lojtarit  sepse në fakt po kërkojnë një profil me karakteristika të tjera  dhe prioriteti i tyre është një mesfushor me tipare mbrojtëse.   Në këtë pozicion do të ishte ideal transferimi i Geogrinio Wijnaldum për të cilin ‘’ Blaugranët ‘’ luftonin prej vitesh , por Paris St Germain u tregua më i shkathët dhe e afroi në skuadër  .

 Një përgjigje e tillë sigurisht që konceptohet si një dush i ftohtë për  Donny Van De Beek i cili kërkon që ti rikthehet triumfit siç e bëri me Ajaxin   dhe  gjasat janë se  talenti i dalë nga një prej  një akademive më të njohura do ta gjejë veten në një skuadër që i ofron komoditetin për të shfaqur  vlerat që disponon  .

   Me  ‘’ Red Devilsat ‘’ sezoni për të është shoqëruar me 36 ndeshje , 1 gol dhe 2 asiste , por besohet se ky kalvar disfatash do të finalizohet gjatë merkatos ku ofertat në drejtim të tij me siguri s’do të mungojnë.