“Kam vetëm një keqardhje”, Vanoli: Duam fitore ndaj Tiranës, ta nderojmë fanellën e Dinamos

Trajneri i Dinamos, Rudolf Vanoli ka folur para mediave, në prag të sfidës që skuadra e tij do të luajë ndaj Tiranës, në derbin e kryeqytetit.

Vanoli u shpreh se keqardhja e vetme te Dinamo, është që nuk u sigurua mbijetesa, ndërsa shtoi se me Tiranën skuadra do fitore.

Nga ndeshja e parë me Tiranën kemi ndryshuar shumë në mënyrën si luajmë. Dinamo është një ekip totalisht ndryshe, keqardhja e vetme është që nuk siguruam mbijetesën, por do të rikthehemi sërish në nivele të larta.

Këtë derbi e kemi përzemër dhe duam ta fitojmë, edhe pse jemi të vetëdijshëm se po luajmë përballë ekipit më të mirë të kampionatit. Duam të bëjmë mirë për presidentin dhe tifozët, duhet ta nderojmë deri në fund të kampionatit këtë fanellë.