Dani Olmo, një hap larg Barcelonës

Pas një Europiani të mrekullueshëm të finalizuar me titullin kampion, shumë lojtarë të Spanjës po pretendohen në këtë merkato verore.

I tillë është rasti i Dani Olmos, i cili e bëri krenar Luis de la Fuenten dhe sipas Fabrizio Romanos, është shumë afër rikthimit tek Barcelona.

Sipas informacioneve të italianit, presidenti i ‘’ Los Cules ‘’ Joan Laporta do të investojë 55 milionë euro për 26 vjeçarin plus 7 të tjera nëse arrihen objektivat, futbollist që e filloi karrierën tek akademia ‘’ La Masia ‘’.

Jo vetëm në këtë eveniment por performancat në rradhët e Leipzigut e kanë bërë ishi-n e Dinamo Zagrebit shumë të rëndësishëm gjatë merkatove, për të cilin u interesua edhe Manchester City para pak kohësh.

Dani Olmo premton shumë për të ardhmen dhe mund ti shërbejë ofensivës së Barcelonës, pasi shquhet me inkursionet e tij dhe faktin e të qënit shumë e rrezikshëm, sidomos në duelet një kundra një.

Marrëveshja parashikohet se do të zyrtarizohet në ditët vijuese, e cila ka filluar ta entuziazmojë tifozerinë e ‘’ Blaugranëve ‘’, e cila prej kohësh ëndërron rikthimin e skuadrës së zemrës tek titujt e rëndësishëm.