Duke filluar nga data 6 gusht, Shqipëria U-19, do të fillojë grumbullimin në kuadër të ndeshjes miqësore ndaj Italisë U-19, takim i cili do të zhvillohet në Koverçano më 13 gusht.
Ditën e sotme, trajneri Armando Cungu ka shpallur edhe listën me 20 lojtarët e ftuar për këtë ndeshje. Në sy bie, se lojtarët e ftuar në grumbullim, janë nga kampionati shqiptar, por edhe futbollistë që luajnë jashtë.
Tekniku shqiptar ka zhvilluar disa herë seleksionime dhe grumbullime gjatë këtij viti, si edhe disa ndeshje miqësore, ku ka testuar gjendjen e skuadrës së tij. Në miqësoren ndaj Italisë, Cungu do të ketë mundësinë të shikojë nga afër lojtarët që luajnë jashtë Shqipërisë, pasi stafi është ende në fazën e vëzhgimit dhe seleksionimit të lojtarëve dhe ende nuk ka krijuar një ide përfundimtare mbi grupin që do përfaqësojë Shqipërinë në kualifikueset e Euro 2022.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
