Transferimi i Nicolo Zaniolos tek Galatasaray rezultoi një surprizë në merkaton e kaluar.
Kur mendohej se italiani mund të vijonte në Serinë A pasi pretendohej nga Milani, turqit janë treguar më të shkathët duke ia rrëmbyer mesfushorin.
Gjithsesi ‘’ Djalli ‘’ vijon ta ketë në listën e gjatë të transferimeve 23 vjeçarin, i cili ka një klauzolë të përballueshme, që arrin 35 milionë eurot.
Pavarësisht se janë fituesit në fuqi të Scudettos , Milanit i duhet ende punë për tu shëndërruar në kundërshtarin e dikurshëm që bënte ligjin si në kampionat ashtu edhe në Europë.
Titujt janë objektivi kryesor i drejtuesve dhe tashmë Paolo Maldini ka përveshur mëngët për arritjen e tij në merkaton verore.
Sigurisht transferimi në Turqi nënkupton një hap mbrapa në karrierë por njëkohësisht një mundësi për të shfaqur potencialin dhe të bëhet pjesë e planeve të ekipeve të elitës në arenën europiane.
Merkatoja e verës , e cila do ti hapë dyert duke filluar nga 1 korriku i ardhshëm si gjithmonë parashikohet tejet emocionuese dhe me të papritura dhe Nicolo Zaniolo besohet se do të jetë protagonist i saj , sidomos në Itali , kampionat në të cilin konsiderohet një ndër mesfushorët më të mirë .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
