Prej shumë kohësh tashmë mesfushori Miralem Pjanic e ka treguar se tek Barcelona nuk mund të qëndrojë asnjë minutë më shumë për shkak se karriera e tij ka ndryshuar totalisht. Boshnjaku asnjëherë nuk e ka treguar nivelin e shfaqur tek Juventusi dhe konsideron se në Katalunjë është mbushur kupa dhe dëshiron startin e një tjetër eksperience . Duke ditur që vlera e kartonit i ka rënë ndjeshëm dhe Barcelonës i nevojitet një shumë e konsiderushme për 31 vjeçarin, sipas ‘ Rac1 ‘’ Los Cules ‘’ kanë menduar një opsion interesant që ka të bëjë me huazimin një vjeçar me synimin e vlerësimit të nivelit që do të demostrojë dhe më pas ta shesë përfundimisht .
Eshtë Massimiliano Allegri ai që ka kërkuar me ngulm rikthimin e ish nxënësit të tij në ‘’ Allianz Stadium ‘’ sepse me të në qendër të mesfushës ‘’ Zonja e Vjetër ‘’ do të ketë një garanci më shumë për tu shfaqur ashtu siç duhet në sezonin vijues. Sipas spekullimeve të deritanishme Barcelona po mendon huazimin deri në 2023-shin tek bardhezinjtë edhe pse kontrata me spanjollët i përfundon në 30 qershorin e 2024-tës dhe më pas të aplikojnë shitjen definitive të një prej mesfushorëve që e kanë humbur krejtësisht nivelin e treguar para disa vitesh .
Nën drejtimin e Ronald Koeman Miralem Pjanic nuk ka mundur të gjejë hapësirat e nevojshme dhe Seria A është pikërisht kampionati që e ka lumturuar në të kaluarën , eksperiencë të cilën kërkon ta përsërisë me çdo kusht nën drejtimin e Massimiliano Allegrit .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
