Kalimi i Lucas Hernandez në ‘’ Allianz Arena ‘’ u cilësua si një ndër më të bujshmit në historinë e Bayernit por me kalimin e kohës nuk i ka bindur plotësisht drejtuesit e bavarezëve . Mungesa e protagonizmit nën urdhërat e Hans Dieter Flick i ka shkaktuar pakënaqësi të njëpasnjëshme francezit i cili është vënë në radarët e Real Madridit . ‘’ Galaktikët ‘’ besojnë fuqimisht tek potenciali i 25 vjeçarit dhe një ndërrim ambjenti do të rezultonte qershia mbi tortë për të lënë pas eksperiencën e luhatur me Bayern Munchen .
Mosarritja e akordit mbi rinovimin e kontratës me Sergio Ramos dhe largimi i mundshëm i Marcelo-s nga ‘’ Santiago Bernabeu ‘’ në fundin e sezonit aktual i detyrojnë automatikisht spanjollet për të transferuar një lojtar që i ofron garanci për të ardhmen . Polivalenca e Lucas Hernandez mbetet një element potencial për ta konsideruar në merkaton e verës por pa lënë në harresë se revolucioni i tyre është përqëndruar edhe tek Jules Kounde dhe mesfushori me tipare sulmuese Eduardo Camavinga evolucioni i të cilëve mbetet i padiskutueshëm me skuadrat si Sevilla dhe Rennes dhe basti i Zinedine Zidane për bashkombasit e tij fiton rëndësi me kalimin e kohës .
Megjithatë lojtarë të një kalibri të tillë pavarësisht se janë në qëndër të vëmëndjes së klubeve më të famshëm të kontinentit të vjetër mbeten kyç në skuadrat e tyre respektive , fakt që e bën konkretizimin e operacioneve në fjalë disi të komplikuar . Pavarësisht këtij aspekti presidenti legjendar i institucionit kryeqytetas dhe njëkohësisht miliarderi Florentino Perez e ka treguar gjatë merkatove të kaluara se nuk është kursyer në asnjë moment për pasurimin e organikës së ‘’ Los Blancos ‘’ dhe në mënyrë konstante ka respektuar ADN e klubit e cila është arritja e suksesit në çdo kompeticion vit pas viti . Anësori nga Marseja vazhdon të tregojë një kualitet impresionues në fushën e lojës , fakt që e fuqizon harmonia dhe unifikimi i lojtarëve me njëri-tjetrin duke ia lartësuar gjithmonë e më shumë figurën gjigandit të Bundesligës .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
