Pas interesit të Bayern Munchen për sulmuesin Timo Werner , Chelsea e ka konsideruar një mundësi shumë të mirë për ta hedhur në merkato gjermanin . Londinezët nuk e anashkalojnë largimin e 25 vjeçarit nga ‘’ Stamford Bridge ‘’ pasi mendojnë se shitja e tij do të fuqizonte arkat me qëllimin e ndonjë ndërhyrjeje cilësore në ditët e mbetura të merkatos .
Meqënëse e ardhmja e Robert Lewandovskit në ‘’ Allianz Arena ‘’ është në dyshim , Bayern Munchen e shikon si një përforcim të denjë Timo Werner i cili vjen pas një suksesi historik me ‘’ Blutë e Londrës ‘’ me të cilët arriti të fitojë trofeun e Uefa Champions Leagues duke mposhtur në finale Manchester City-n .
Sipas Todofichajes vlera e kartonit të ishi-t të Red Bull Leipzig i kap 65 milionë eurot por rendimenti i vakët në sezonin e kaluar pavarësisht suksesit të kryeqytetasve ka gjeneruar skepticizëm mbi të ardhmen në Londër . Por duhet shtuar se kalimi i mundshëm tek bavarezët do të kushtëzohet nga vendimi i sulmuesit polak për të cilin në kohët e fundit kanë shpallur kandidaturën disa skuadra.
Megjithatë nëse drejtuesit e britanikëve nuk do të mund ta konkretizojnë shitjen e golashënuesit nuk e kanë anashkaluar huazimin e tij për ti dhënë shansin e rikuperimit të rendimentit ideal dhe më pas të marrin vendimin më të mirë të mundshëm në lidhje me këtë çështje .
Duhet theksuar se Timo Werner e mbylli sezonin me 52 ndeshje , 12 gola dhe 11 asiste , statistika të cilat nuk e kanë lënë aq sa duhet të kënaqur bashkombasin e tij .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
