Merkatoja e janarit konsiderohet zgjidhja e vetme për Lazion në lidhje me fazën e dyte . Bardhekatërit çuditërisht janë një nga mbrojtjet më të dobëta të Serisë A duke lënë mbapa vetëm Salernitanën dhe Spezian për sa i përket golave të pësuar .
Shkëlqimi në ofensivë e ka mbajtur në luftë për Europën por sigurisht që duhet akoma punë për të qëndruar në këtë stad deri në fundin e sezonit. Eshtë e qartë që një fakt i tillë nuk demostron vetëm problemin e kryeqytetasve poshtë tre shtyllave por në përgjithësi koordinimin e reparteve me njëri-tjetrin.
Në këtë rast gishti i është vënë shqiptarit Thomas Strakosha i cili e finalizon kontratën me Lazion në 2022-shin dhe Maurizio Sarri sipas italianes ‘ Calciomercato ‘ ka deklaruar emrat e preferuar për të evituar ndërlikimin e situatës.
Kepa Arrizabalaga dhe Neto Murara mbeten dy opsione ideale për Lazion , operacion që mund të realizohet pa shumë probleme sepse si spanjolli ashtu edhe braziliani nuk preferohen në 11-she respektivisht nga Thomas Tuchel dhe Xavi Hernandez , fakt që e bën më të mundur largimin e tyre .
Deri në këtë moment ishi i Athletic Bilbaos është favoriti për të marrë përgjegjësinë e kuadratit të bardhë të romanëve por as 32 vjeçari nuk mbetet prapa sepse me Ter Stegen e ka të pamundur për të shijuar prezenca me katalanasit .
Si gjithmonë Lazio është konsideruar një skuadër që meriton respekt dhe fakti se merr pjesë edhe në Europa League e bën të domosdoshëm ndryshimin në portë për ti krijuar Maurizio Sarrit qetësinë e duhur për ndeshjet e mbetura sepse pa dyshim pjesa e dytë e sezonit do të jetë më e ashpër dhe ndërhyrjet cilësore do të shmangnin pendesat e mundshme në të ardhmen .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
