Hakan Calhanoglu edhe zyrtarisht është lojtari më i ri i Interit. Fantazisti turk është larguar nga Milani, teksa ka kaluar te rivalët e qytetit të kuqezinjve. Pasi nuk u arrit marrëveshja e rinovimit të kontratës me Milanin, 27-vjeçari vendosi të kalojë si lojtar i lirë te Interi.
Pas akordit mes palëve që ishte arritur që ditën e djeshme, zikaltrit kanë prezantuar ditën e sotme lojtarin në ambientet e klubit.
Calhanoglu ka nënshkruar një kontratë 3-vjeçare me Interin, nga e cila do të përfitojë 5 milionë euro në sezon. Turku largohet kështu pas plot 4 viteve si pjesë e Milanit, ku ishte një titullar i padiskutueshëm me të gjithë trajnerët që e drejtuan skuadrën gjatë kësaj periudhe.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
