Duke iu referuar të ardhmes , Barcelona e ka ndalur disi vrullin në merkato duke i marrë gjërat me qetësi . Para pak kohësh Franck Kessie ishte pjesë e pandashme e katalanasve , të cilët e vijonin luftën të favorizuar për arsye të përfundimit të kontratës së mesfushorit në fundin e sezonit , por metodologjia e punës së Xavi Hernandez e ka detyruar të tërhiqet nga kjo pistë .
Një tjetër faktor lidhet me pretendimet e afrikanit të cilat sipas ‘ Sport ‘ arrijnë 9-10 milionë eurot dhe kuq e blutë kanë theksuar se nuk mund ti përballojnë.
Ishi i Atalantës konsiderohet ndër mesfushorët në modë por spanjollët nuk e kanë zgjatur shumë duke ia lënë të lirë rrugën pretendentëve për të firmosur me 25 vjeçarin . Tërheqja e katalansve i jep më shumë forcë pistave në Premier League për një lojtar që ka shkëlqyer me ‘’ Djallin ‘’ , skuadër e cila ka rikuperuar shumë me Stefano Piolin pas disa viteve të vështira që e mbajtën larg Europës.
Ja vlen të zbulohet se deri në çfarë pike do të arrijë kjo histori sepse Franck Kessie i ka qëndruar gjithmonë besnik kërkesës në shenjë të kontributit të dhënë ndër vite tek milanistët .
Sezoni aktual flet me superlativa për nxënësin e Stefano Piolit i cili e ka mbajtur veshur fanellën kuq e zi në 22 ndeshje , duke i përfunduar ato me 5 gola pa harruar lojën brilante , por variantet e të ardhmes mbeten prezente dhe mund t’ia ndryshojnë shumë shpejt detinacionin dhe sipas parashikimeve skuadrat angleze janë një hap përpara për arsye të potencialit ekonomik.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
