Kombëtarja shqiptare do të sfidojë sot Çekinë në orën 20:45, në përballjen e vlefshme për kualifikueset e Europianit, që do të jetë jo pak përcaktuese për ëndrrën e kuqezinjve për të marrë pjesë në Euro2024.
Të besuarit e Silvinjos zhvilluan pasditen e djeshme seancën stërvitore në ambientet e stadiumit “Fortuna Arena” ku do të zhvillohet ndeshja. Kombëtarja vjen në këtë takim me mungesën e Brojës, Kumbullës dhe Laçit, por pjesa tjetër e grupit është e plotë dhe atmosfera duket pozitive.
Deri në 4 mijë tifozë shqiptarë pritet të jenë në shkallët e stadiumit.
Një përballje edhe më vendimtare mund të konsiderohet ajo e 10 shtatorit kundër Polonisë, në “Air Albania”, sfidë për të cilën janë shitur të gjitha biletat.
Kombëtarja aktualisht renditet në vendin e 2-të të grupit E me 6 pikë. Shqipëria ka marrë një fitore në shtëpi ndaj Moldavisë dhe ndaj Ishujve Faroe në transfertë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
