Milani në kërkim të një sulmuesi, Morata dhe Firmino opsion për kuqezinjtë

Milani ka vuajtur shumë mungesën e një tjetër sulmuesi këtë sezon, përveç Olivier Giroud, i cili është konsumuar së tepërmi.

Në këtë situatë, drejtuesit kanë nisur nga puna, për afrimin e një sulmuesi, për sezonin e ardhshëm.

Opsionet për kuqezinjtë nuk mungojnë, teksa së fundmi përflitet për dy emra. Bëhet fjalë për Roberto Firmino dhe Alvaro Morata.

I pari do të largohet nga Liverpool si lojtar i lirë dhe Milanit nuk do i duhet të shpenzojë, ndërsa për Moratan, duhet një sakrificë e vogël, pasi ka edhe një vit kontratë me Atletico Madrid.

Gjithçka mbetet në kuadrin e thashethemeve, por e sigurt është që te Milani do të ketë lëvizje të shumta, kryesisht në sulm, ku pritet të largohen edhe Rebic e Origi.