Performanca e shkëlqyer e Mikkel Damsgaard në Europian ia ka hapur sytë skuadrave të mëdha për ta afruar në gjirin e tyre. Ndër to është Liverpooli i Jurgen Klopp i cili ka mbetur i impresionuar me nivelin e treguar nga 21 vjeçari. Vizioni i danezit për lojën është një ndër virtytet më të spikatura të tij dhe ky fakt e ka motivuar trainerin gjerman për të kërkuar transferimin e tij në ‘’ Anfield Road ‘’.
Ashtu siç ndodh pothuajse në çdo merkato , anglezët do të kenë një detyrë të vështirë sepse duhet të mposhtin konkurrencën e Juventusit , Milanit dhe Lyonit .
Vlera aktuale e kartonit të ishi-t të modestëve të Nordsjaelland ka arritur 20 milionë eurot dhe në plan të parë ky operacion konceptohet si shumë interesant.
Gjithsesi në aspektin e përgjithshëm fakti i të luajturit në Premier League ka rezultar një sfidë më vete për lojtarë që e kanë provuar për herë të parë këtë ndjesi por duke qenë se niveli i nordikut ka impresionuar të gjithë specialistët gjatë Europianit , mund ti shërbejë skemave të Jurgen Klopp të cilat ndryshojnë gjithmonë në varësi të kundërshtarëve .
Mbi këtë interes pavarësisht se bëhet fjalë për një kockë të vështirë për tu kapërdirë në kontinentin e vjetër dhe më gjerë , pritet edhe reagimi i drejtuesve gjenovezë të cilët mund ta konsiderojnë interesin e Liverpoolit ose në të kundërt do të vënë barrierat përkatëse për të siguruar qëndrimin e Mikkel Damsgaard në ‘’ Luigi Ferraris ‘’.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
