Atletico rrit ofertën për Wass

Atletico Madridi do të kërkojë ta shfrytëzojë të gjithë potencialin në ditët e mbetura të merkatos për të firmosur me Daniel Wass.

Danezi konsiderohet ndër prioritetet e Diego Simeones i cili nuk është i qetë që pas largimit të Kieran Trippier tek Newcastle . Argjentinasi preferon një lojtar në të njëjtat nivele  për të mos i krijuar luhatje ‘’ Los Colchoneros ‘’ në prapavijë. 

Oferta e parë e spanjollëve nuk rezultoi e duhura për drejtuesit e Valencias të cilët nuk janë dorëzuar por e kanë ngritur stekën deri në 3 milionë euro , lajm i publikuar nga  ‘ Marca ‘.

Presioni do të bjerë mbi kryeqytetasit për faktin se koha është shumë e shkurtër dhe nuk premton shumë por ‘’ El Cholos ‘’  do ti bënte shumë punë Daniel Wass i cili ka treguar cilësitë  edhe në Europianin e kaluar me Danimarkën , eveniment ku nordikët surprizuan duke shkuar deri  në çerekfinale.

Kjo mundësi nuk të vjen shumë herë gjatë karrierës dhe 32 vjeçari e ka vlerësuar maksimalisht  pavarësisht se traineri Jose Bordalas është përgjigjur me një ‘’ jo ‘’ kategorike mbi largimin e ishi-t të Celta Vigos nga ‘’ Mestalla ‘’.

Një fakt tjetër që mund ta pengojë këtë operacion është se Valencia nuk është përforcuar siç duhet në merkato dhe një largim i tillë mund ti prishte ekuilibrat  .

Aktualisht kryeqytetasit janë shumë larg sezonit të kaluar sepse janë 14 pikë larg  nga kryesuesit e Real Madridit dhe madje do të përballen në dy sfida shumë të forta me Manchester United në 1/8-tat e Champions Leagues.  

Për sa i përket rastit konkret , Daniel Wass e finalizon kontratën me Valencian në mbarimin e sezonit aktual dhe nëse kryeqytetasit nuk e arrijnë akordin në ditët e mbetura, do ti duhet të presin deri në merkaton e ardhshme për ta transferuar në ‘’ Wanda Metropolitano ‘’.