Protagonizmi i munguar nën drejtimin e Ronald Koeman ka shkaktuar risi në lidhje me të ardhmen e Miralem Pjanic . Boshnjaku ndiqet prej disa kohësh nga ish skuadra e tij Juventus për arsye se Massimilliano Allegri e vlerëson shumë kontributin e dhënë nga mesfushori në të kaluarën . Megjithatë Europiani i cili kurorëzoi si kampione Italinë ka evidentuar shumë lojtarë të cilët tashmë ndiqen nga skuadra të njohura .
Një ndër ta është edhe Manuel Locatelli për të cilin vijon këmbnguljen ‘’ Zonja e Vjetër ‘’. Drejtuesit e italianëve janë treguar shumë profesionistë në lidhje me këtë çështje dhe kanë deklaruar pikërisht ishi-n e tyre në rast se do të dështojnë në transferimin e perlës së Sassuolos në ‘’ Allianz Stadium ‘’.
Aventura e 31 vjeçarit në Barcelonë ka rezultuar për tu harruar dhe po kërkon me ngulm largimin nga ‘’ Camp Nou ‘’ për ti dhënë një tjetër drejtim karrierës . Marrëdhëniet e krijuara midis tij dhe strategut Massimiliano Allegri janë të shkëlqyera , fakt që me siguri do ti vijë në ndihmë për tu rikthyer tek bardhezinjtë nëse këta të fundit nuk do të arrijnë akordin me Manuel Locatellin .
Duhet evidentuar se kontrata e ishi-t të Romës me ‘’ Los Cules ‘’ mbetet në fuqi deri në 2024-tën por duke qenë se sezonin e përfundoi me vetëm 1295 minuta aktivizimi të shoqëruara me një rendiment të dobët , mundësitë për të qëndruar në Katalunjë janë gati zero .
Ideja e juventinëve në lidhje me këtë operacion është huazimi i Miralem Pjanic për të analizuar riadaptimin e tij dhe më pas drejtuesit e tyre të marrin vendimin përkatës për një lojtar që ka humbur shumë nga vlerat e dikurshme .
Paralelisht me këtë pistë para pak ditësh prestigjozja franceze L’Equipe u shpreh mbi një shkëmbim të mundshëm ndërmjet Antoine Griezmann dhe Paulo Dybalas por ekipet në fjalë e përgënjeshtruan lajmin duke e vënë në kontekstin e një thashethemi për arsye se pretendimi i Juventusit është rinovimi i kontratës me ‘’ La Joyan ‘’ sepse është një lojtar determinant për këtë skuadër .
Siç kuptohet eksperienca e Miralem Pjanic tek ‘’ Blaugranët ‘’ ka prekur fundin dhe javët e vijuese me siguri do të prodhojnë lajme motivuese për të ardhmen e mesfushorit .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
