Edison Ndreca, ishte një nga lojtarët më të mirë në fitoren 4-0 të Egnatias ndaj Kukësit.
Për MCN TV, Ndreca deklaroi se nuk ka rëndësi rezultati, por vetëm fitorja. Sipas tij, humbja e javës së kaluar me Skënderbeun ka kaluar dhe tani vëmendja është te ndeshja e radhës me Erzenin.
Fituam një ndeshje 4-0, por pak rëndësi ka rezultati. Rëndësi ka fitorja. Vinim pas humbjes me Skënderbeun dhe duhet të reagonim.
Kukësit i uroj më të mirat dhe shpresoj të ngrihen sa më shpejt. Me Skënderbeun krijuam raste, por nuk shënuam dot. Kjo ndeshje sot ishte histori tjetër. Ne bëmë detyrën dhe morëm 3 pikët, kjo ka rëndësi. Skënderbeu i përket të kaluarës, mendojmë për Erzenin.
Ne duhet të shikojmë vetëm ndeshjen e radhës, për të bërë detyrën, objektivat i përkasin drejtuesve.
E gjithë jeta është konkurrencë. Ka konkurrencë edhe në futboll, ne bëjmë më të mirën. Ne kemi objektiv të marrim fitoren, kjo ka më shumë rëndësi.
Unë ndihem mirë me ekipin e ri. Krijojnë shumë hapësira dhe mua më japin më shumë përparësi. Ndihem mirë me detyrat që më ka dhënë trajneri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
