Ylli i Bodybuilding-ut, Cedric McMillan, ka vdekur në moshën 44-vjeçare, konfirmoi sponsori i tij të martën.
"Me keqardhje ju informojmë se shoku dhe vëllai ynë @cedricmcmillan ndërroi jetë sot. Cedric do t'i mungojë shumë si atlet, shok dhe baba," shkroi në një postim në Instagram Black Skull USA, një kompani suplementesh.
Kompania nuk dha detaje të mëtejshme rreth vdekjes së McMillan. "Lutjet tona janë me të gjithë familjen dhe miqtë e tij", shtoi ajo.
McMillan, i cili u bë profesionist në vitin 2009, ka përjetuar probleme të shumta shëndetësore gjatë viteve të fundit, duke përfshirë problemet e zemrës dhe frymëmarrjes, ndoshta të shkaktuara nga Covid-19 që e detyruan atë të tërhiqej nga profesioni i tij.
Cedric i cili lindi në 1977 në veri të Nju Xhersit, ishte i mrekullueshëm në skenë. Përveç ngjarjes “Arnold Classic” jashtëzakonisht të popullarizuar që ai fitoi në 2017, ai gjithashtu fitoi ngjarjen “W” në 2011 Orlando Show of Champions dhe New York Pro në 2012.
McMillan fitoi tituj të shumtë dhe u bë një "yll në botën e bodybuilding dhe fitnesit", si dhe shërbeu për më shumë se 20 vjet në ushtrinë amerikane, ku u ngrit në gradën e Rreshterit të Klasit të Parë.
McMillan ishte një anëtar i Gardës Kombëtare të Karolinës së Jugut në kohën e vdekjes së tij, tha një zëdhënëse për CNN. Ajo konfirmoi se Garda Kombëtare ishte njoftuar për vdekjen e tij, por nuk pranoi të komentonte më tej.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
