Pas eksperiencës të shkëlqyer me Interin ku fitoi titullin e 19-të në Scudetto Real Madridi është hedhur në sulm për Antonio Conten . Italiani është një trainer që jep shumë garanci për të ardhmen dhe ‘’ Galaktikët ‘’ e konsiderojnë domosdoshmëri afrimin e një elementi fitues . Florentino Perez i pëlqen shumë karakteristikat e trainerit nga Lecce për një Real Madrid që dëshiron të mos rikthehet më në të kaluarën e vështirë . Kandidaturat e ‘’ Los Blancos ‘’ janë të shumta sepse në kampin kryeqytetas prej kohësh pëlqehet edhe Massimiliano Allegri dhe Raul Gonzalez Blanco .
Italiani mban mbi supe një eksperiencë të shkëlqyer me Juventusin dhe për fatin e keq me ikjen e tij ‘’ Zonja e Vjetër ‘’ nuk ka mundur të vijojë me dominimin në Itali duke ia lënë stafetën Interit ndërsa spanjolli mbetet një legjende tek Real Madridi dhe puna e shkëlqyer me skuadrën e dytë e ka pozicionuar në këtë stad .
Merkatoja e verës është shumë afër dhe gjigandi ‘’ Santiago Bernabeu ‘’ pritet të hapë dyert për një nga këto alternativa të cilat do të kenë objektivin e ringritjes së spanjollëve dhe ti hapin rrugën revolucionit që janë duke përgatitur drejtuesit e Real Madridit .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
