Pas barazimit me vështirësi ndaj Dinamos, Laçi luan një ndeshje të rëndësishme me Tiranën këtë të shtunë.
Kurbinasit duan t’i largohen vendit të tetë dhe për këtë arsye synojnë me çdo kusht 3 pikët.
Për këtë përballje, trajnerit Cungu, do i rikthehen tre lojtarë siç janë Kurti, Kryeziu dhe Melo. Të tre këta futbollistë, kanë shlyer pezullimin dhe do të jenë të gatshëm për ndeshjen me Tiranën.
Megjithatë, për trajnerin Armando Cungu, nuk ka qetësi. Për këtë ndeshje, Laçi, duhet të bëjë pa kapitenin Ajdi Dajko. Ky i fundit u ndëshkua me karton të verdhë ndaj Dinamos dhe ka plotësuar numrin, çka sjell edhe pezullimin për të.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
