Real Madrid mbetet nga ato skuadra që jo më kot konsiderohet mbretëreshë e këtij kompeticioni. Lidhur me këtë ndeshje në studion e lajmeve në MCN TV gazetari i sportit Edi Hajdini u shpreh se loja u dominua nga Liverpool, por në fund fitoren e mori Real Madrid.
Ndërsa sa i përket golit të anuluar të Benzema, Hajdini deklaroi se goli nuk ishte prekje e vullnetshme dhe se duhej anuluar.
Ndikuan shumë gjëra në fitoren e Realit, dhe është tregtues i asaj se jo gjithmonë fiton skuadra më e mirë. Real Madrid vetëm pak shkoi në portën kundërshtare, ndërsa Liverpool dominoi lojën, por në fund fitoren e mori Reali. Ajo është një skuadër e cila duket se e ka pronë të vetin këtë kompeticion dhe jo më kot ka fituar 14 herë dhe kjo ka bërë që të krijohet edhe ajo ideja e një Reali të frikshëm. Sa i përket golit të anuluar të Benzema ka pasur shumë përballje, por ai gol nuk vendoste për ndeshjen sepse Real fitoi, por diskutimi ka pasur të bëjë me kthimin e topit dhe nga specialistët është marrë vendimi i duhur se ai gol duhej anuluar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
