Fillimi i mbarë i sezonit nga Donny Van de Beek ia ka ndryshuar mendjen drejtuesve të Manchester United të cilët nuk e kanë lejuar largimin e tij nga magjiku ‘’ Old Trafford ‘’ .
Dukej sikur e kaluara zhgënjyese ia kishte mbyllur shtigjet për vijimin në Manchester por anglezët ruajnë një fije shprese se 24 vjeçari do ta hedhë pas krahëve të kaluarën .
Këtë lajm e ka përforcuar agjenti i tij Guido Albers duke deklaruar se dëshira e Donny Van de Beek është luftimi për një vend titullari tek 20 herë kampionët e Premier Leagues :
“ Kontaktuam me disa klube nga Hollanda , Anglia dhe Italia por negociatat nuk rezultuan ashtu siç pritej . Pavarësisht këtij rezultati Donny ka një tjetër shans për të bindur në sezonin e ri “ .
Ky lajm vleresohet si shumë shpresëdhënës për talentin hollandez i cili është mbështetur nga drejtuesit për qëndrimin në ‘’ Pallatin e Endërrave ‘’ aspekt që domosdoshmërisht duhet të shoqërohet me aktivizimin konstant për të rikuperuar kohën e humbur dhe të adaptohet në një ndër kampionatet me të bukur të futbollit si Premier League dhe gjithashtu të kontribojë në Uefa Champions Leagues , turne nga i cili traineri Ole Gunnar Solskajer nuk e ka shkëputur për asnjë moment vëmendjen .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
