Eklent Kaçi, u shpall nënkampion bote në bilardo. Pasi kishte kaluar në finale, bilardisti shqiptar, u mposht aty nga amerikani Fedor Gorst.
Ishte një ndeshje e luftuar dhe emocionuese deri në fund, që u mbyll me humbjen e ngushtë të shqiptarit me rezultatin 15-14.
NJOFTIMI I KOKSH:
Eklent Kaçi Nënkampion Bote në World Championship 2024(disiplina 9 Gurë), i zhvilluar në Jeddah, në Arabi Saudite, në datat 3-8 Qershor 2024.
Bilardisti shqiptar(Kampion Bote i vitit 2023), u mposht në finale nga amerikani, Fedor Gorst, me rezultatin e ngushtë 15-14. Kjo finale, do të mbahet mend si finalja më emocionuese dhe më e luftuara në historinë e sportit të bilardos.
Kampionati Botëror 2024 ËPA me 9 Topa ishte një dëshmi e nivelit të lartë të konkurrencës dhe aftësisë sportive në Bilardo(profesioniste) dhe Eklent Kaçi na bëri përsëri krenarë, duke ngritur edhe njëherë flamurin shqiptar në arenën botërore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
