Largimi i Sergio Ramosit në Meksikë tek Rayados Monterrey sigurisht është pasuar me tratativat e drejtuesve për tu fuqizuar me të tjerë lojtarë të cilët lanë gjurmë në të shkuarën në Europë.
Qendërmbrojtësi ishte pjesë e Real Madridit, skuadër me të cilën fitoi të gjithë trofetë e mundshëm në karrierë.
Tashmë, në një moment kulminant të saj andaluzi i ka bërë thirrje ish shokut të tij Karim Benzema për t’iu bashkuar Rayados Monterrey, lajm i bërë me dije nga gazetari Willie Gonzalez.
Do të jetë një objektiv shumë i vështirë për tu realizuar për arsye se golashënuesi përfiton një shifër tejet të konsiderueshme tek Al- Ittihad, skuadër me të cilën momentalisht numëron 16 gola në 18 sfida.
Megjithatë, duke qenë se liga e Arabisë Saudite është inferiore në krahasim me ato ku është aktivizuar 37 vjeçari adaptimi ka rezultuar paska i vështirë, pavarësisht se cilësitë e tij janë të padiskutueshme.
Ndërkohë, traineri Martin Demichelis po kërkon lojtarë më shumë eksperiencë për të qenë në lartësinë e duhur gjatë Botërorit të Klubeve.
Ish kampioni i Europës dhe i botës me ‘’ La Furia Rojan ‘’ tashmë e ka bërë hapin e parë por i mbetet në dorë Karim Benzemas për të zgjedhur se ku do ta vijojë karrierën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
