Trajneri Nevil Dede, deklaroi se për listën e Europianit, i ka dhembur koka Silvinjos.
Referuar diskutimeve për listën, Dede tha në emisionin “Skaner” në MCN TV, se trajneri duhet lënë të bëjë punën e tij.
Nëse merremi me Silvinjon, nga ana profesionale, nuk i intereson se çfarë dëshire ka populli shqiptar apo Uzuni. Nuk mund të bëhemi servilë dhe të themi që Uzuni nuk i bën përshtypje për lojën që luan. Shqipëria nuk hyn sa herë në Europian. Si Uzuni dhe Cikalleshi, gjithmonë e kanë ëndërruar për të marrë pjesë atje dhe për t’i rënë njëherë topit.
Duhet të kemi parasysh një fakt. I gjithë populli për Kombëtaren është sensitiv. Të gjithë duam të kënaqemi. Duam edhe Uzunin dhe Cikalleshin, por ai që mban përgjegjësi dhe që i dhemb koka, është Silvinjo.
Se sa shpirt dhe sa konkret dhe sa shqiptar është Silvinjo, do të vendoset nga këta lojtarë që do të jenë atje. I gjithë diskutimi bëhet për 2-3 emra. Lëreni trajnerin të bëjë punën e tij. Politikat sportive janë të mëdha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
