Po kalonte formë të shkëlqyer, Broja do të mungojë në ndeshjen e fundjavës

Armando Broja nuk do të jetë gati për ndeshjen e fundjavës, kur Southampton, do të përballet me skuadrën e Watford.

Kjo është bërë e ditur nga trajneri i Southampton, Ralph Hasenhuttl, i cili është shprehur se sulmuesi i Shqipërisë, vuan nga një dëmtim në kyçin e këmbës.

Një lajm aspak i mirë për 20-vjeçarin, i cili po tregonte një formë të shkëlqyer me skuadrën e angleze, ku me 2 golat e fundit në Premier League, tërhoqi vëmendjen e të gjithëve.

Nuk dihet ende se sa do të mungojë Broja, por mungesa e tij në fundjavë ndaj Watford është e sigurt.