Transferimi i Tammy Abraham në ‘’ Olimpico ‘’ ia ka shtuar shpresat Romës se mund të arrijë objektivin e rradhës në këtë fund merkatoje .
‘’ Verdhekuqtë ‘’ tashmë dëshirojnë edhe mesfushorin Loftus -Cheek i cili do të ishte qershia mbi tortë për të kompletuar formacionin e dëshiruar nga Jose Mourinho . Sipas ‘ Corriere dello Sport ‘ anglezi i është bashkuar listës së lojtarëve ndër të cilët përfshihet Denis Zakaria dhe Miralem Pjanic .
Megjithatë problematika e këtij transferimi mbetet rroga 6 milionë euroshe e boshnjakut të cilën kryeqytetasit nuk mund ta përballojnë . Një avantazh i Loftus – Cheek që do ti vinte për mbarë lojës së Romës është se karakterizohet për përshtatjen në shumë pozicione të fushës , aspekt që do ti favorizonte italianët gjatë ndeshjeve .
Megjithatë ashtu siç ndodh rëndomtë gjatë merkatove shtuar edhe problematikat e shkaktuara nga koronavirusi në arkat e klubeve me emër , Roma nuk e përjashton formulën e huazimit për Loftus – Cheek për ti dhënë mundësinë e adaptimit në një kampionat të ndryshëm nga Premier League . Aktivizimi i reduktuar mbetet një ngërç për avancimin e 25 vjeçarit me ritmet e pretenduara dhe ‘’ The Special One ‘’ kërkon ta ndihmojë për ta hedhur pas krahëve eksperiencën tek ‘’ Blutë e Londrës ‘’.
Statistikat e arritura konsiderohen zhgënjyese sepse që nga mbarimi i sezonit 2018-2019 ish-i i Crystal Palace numëron vetëm 10 prezenca , fakt që shkaktoi huazimin tek Fulham sezonin e shkuar .
Traineri luzitan është një frymëzim për çdo lojtar të kalibrit sepse në çdo skuadër e ka treguar se është një ndër kockat më të forta të trainingut duke përjashtuar eksperiencën me Tottenham Hotspurin e cila u konsiderua ndër më të dështuarat në karrierë .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
