Me Virgil Van Dijk në metrat e fundit të karrierës, ka filluar puna tek Liverpooli për të gjetur një zëvëndësues të denjë.
Hollandezi është sigurisht një lider i ‘’ The Redsave ‘’ në prapavijë por çdo fillim e ka edhe një fund.
Drejtuesit po i lëvizin me shpejtësi gurët për ti paraprirë çdo prapakohe të mundshme, sidomos kur flitet për një klub të këtij niveli, i cili synon në çdo sezon tituj.
Loic Bade konsiderohet një zëvëndësues i denjë për 33 vjeçarin, lojtar që i ka bërë shumë mirë detyrat me Sevillan, i pretenduar edhe nga Stuttgarti dhe Roma në të shkuarën.
Megjithatë, andaluzët arritën ta blindonin largimin e francezit nga ‘’ Sanchez Pizjuan ‘’ por shkëlqimi në fushën e blertë e bën të paevitueshëm interesin e ekipeve të elitës në Europë.
Sipas ‘ As ‘, Loic Bade së fundmi ka vendosur të qëndrojë për më gjatë tek ‘’ Los Rojiblancos ‘’, me të cilët ka firmosur deri në 2029-tën duke treguar se ndihet shumë mirë nën urdhërat e trainerit Francisco Javier Garcia Pimienta.
60 milionë euro është klauzola e prishjes me ish kampionët e Europa Leagues por traineri Arne Slot shpreson që të transferohet sa më shpejt në ‘’ Anfield Road ‘’.
Interesi i një ekipi si Liverpooli tregon një vlerësim për ishi-n e Nottingham Forestit, i cili e njeh mirë Premier Leaguen.
Sezoni aktual është i treti në La Liga, një ndër kampionatet më prestigjozë të kontinentit të vjetër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
