Barcelona triumfoi 4-2 në transfertë ndaj Betisit, në një ndeshje me të vërtetë spektakolare.
Katalanasit e nisën vrullshëm dhe kaluan në avantazh me Ferran Torres në minutën e 22-të. I njëjti autor dyfishoi shifrat në minutën e 48-të.
Megjithatë Betis nuk u dorëzu dhe ia doli të barazojë shifrat, falë dopietës së shënuar nga Isco, në minutat 56 dhe 59.
Duhet të vinte minuta e 90-të, që Barcelona ta shihte sërish veten në avantazh, falë golit të shënuar nga Joao Felix.
Dy minuta më vonë, Torres kompletoi tripletën personale dhe vulosi shifrat në 4-2, duke i dhënë fitoren katalanasve.
Me këtë triumf, Barcelona mban vendin e tretë me 44 pikë, 7 pikë më pak se Reali kryesues.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
