Refuzimi i Manchester City-t për mesfushorin Saul Niguez i ka shërbyer Chelseat për ta transferuar në mitikun ‘’ Stamford Bridge ‘’ me formulen e huazimit . Mbërritja në ‘’ Etihad Stadium ‘’ e Jack Grealish i ka ndryshuar gjërat tek kampionët në fuqi të Premier Leagues dhe numri një i pankinës Pep Guardiola e refuzoi transferimin e 26 vjeçarit .
Sipas As ky i fundit preferoi yllin e Aston Villas në vend të Saul Niguez për arsye se spanjolli e ka humbur disi protagonizmin në fushën e lojës , fakt që nuk i garanton shumë Manchester City-t gjatë sezonit.
Pavarësisht se Pep Guardiola e vlerëson në maksimum kontributin e dhënë nga Saul Niguez nën drejtimin e Diego Simeones , në asnjë moment nuk e mendonte largimin e Bernardo Silvas bashkë me një shumë të majme parash për të firmosur me një ndër nxënësit më të spikatur të ‘’ El Cholos ‘’ i cili do të provojë veten tek një ekip me kërkesë të lartë llogarie siç është Chelsea që do ti duhet të mbrojë titullin e Champions Leagues dhe gjithashtu të prezantohet denjësisht në kompeticionet e tjera pjesëmarrëse.
Aktualisht ‘’ Blutë e Londrës ‘’ po shqyrtojnë opsionin e blerjes përfundimtare të kartonit të Saul Niguez që varion nga 40-50 milionë euro , situatë që do të varet autmatikisht nga rendimenti i lojtarit nga Elche me kryeqytetasit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
