Me një karrierë të suksesshme dhe shumë trofe të fituar me Barcelonën fakti se është në një moshë madhore i detyron katalanasit për të planifikuar një zëvëndësues ideal për Sergio Busquets . Reformat e ndërmarra nga Joan Laporta po i japin impaktet dhe tashmë Ronald Koeman do të ketë privilegjin të bëjë zgjedhjet e merkatos . 58 vjeçari i ka hedhur sytë tek Ryan Gravenberch . Mesfushori i Ajax Amsterdamit e ka mahnitur sepse pavarësisht se konsiderohet një talent i rrallë , karakteristikat e tij përputhen shumë mirë me skemat që praktikon ky i fundit . Mosha fare e re nuk është një pengesë për ‘’ Los Cules ‘’ që nuk kanë të ndalur në përpjekjet për forcimin e reparteve delikate .
Sipas ‘’ Mundodeportivos ‘’ spanjollët kërkojnë të ndryshojnë mesfushën dhe alternativa e Gravenberch shkakton risi për të ardhmen. Këto operacione nuk rezultojnë të lehtë edhe pse flitet për skuadra shumë potente , por Barcelona është e gatshme të rrezikojë për lojtarin nga Amsterdami . Agjenti Mino Raiola vijon të analizojë situatën e klientit të tij sepse Manchester United dhe Juventus kanë shprehur interes por ‘’ Blaugranët ‘’ janë të favorizuar për arsyen e marrëdhënieve të shkëlqyera me Ajax Amsterdamin . Në të kaluarën dy gjigandët e Europës arritën akordin për talentët De Jong dhe Dest , dhe nuk përjashtohet mundësia që të ndodhë e njëjta histori me Ryan Gravenberch .
Talenti i kombetarës së ‘’ Tulipanëve ‘’ e ka treguar se çfarë di të bëjë edhe gjatë këtij sezoni sepse ka fituar besimin e Erik Ten Hag dhe e ka justifikuar atë me 44 ndeshje , 5 gola dhe 6 asiste . Siç njihet botërisht si një ndër akademitë që prodhon me shumë talentë në futboll parashikohet se do të vërë barrierën për këtë lojtar kontrata e të cilit merr fund në 2023-shin sepse prezenca në fushë i krijon shumë lehtësira skuadrës kryeqytetase .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
