Drejtori i Përgjithshëm i Transportit Rrugor, Blendi Gonxhe, ka bërë të ditur se në Tiranë po planifikohet të mbahet një cirkuit për gara për makina.
Lidhur me këtë, ai është takuar së fundi edhe me Jean Todt, ish-drejtor i Ferrarit në Formula Uno dhe presidenti i FIA-s (Federata Ndërkombëtare e Automobilizmit) që prej vitit 2009.
Sipas, Gonxhes, projekt ideja e AutoMoto Parkut, si një pistë e parë shqiptare multifunksionale, është përshëndetur nga Jean Todt, i cili ka ofruar përkrahjen teknike për një organizim të tillë.
“Çuna keni te fala! Asistencë teknike nga organizata te FIA-s per projekt idene e AutoMoto Parkut! I pelqeu e do kemi mbeshtetje, po ashtu dhe për shumë projekte edukative për sigurine rrugore e sigurinë në aktivitete automobilistike! Shumë njeri, i thjeshte e i fola për hallet tona, dramat e garave ilegale dhe rëndesinë që të kemi suport e përkrahje akoma më të madhe për ta finalizuar pistën e parë shqiptare multifunksionale! “, shkruan drejtori Gonxhe.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
